Uşaq bağçalarında problemlər aşkarlanıb - RƏSMİ

"Uşaq bağçalarında qidalanma ilə bağlı sənədlər 1994-cü ildə təsdiq olunub və üstündən uzun zaman keçib. Təhsil Nazirliyi tərəfindən bir neçə il öncə bütün tip internat məktəblərində qidalanma normaları dəyişdirilib və mexanizm bu istiqamətdə hazırlanıb. Bağçalarda model bir az fərqlidir. Biz oxşar modelin bağçalarda da yaradılmasını düşünürük. Bu istiqamətdə işlərimizi davam etdirəcəyik”, - nazir əlavə edib.

 

Bütün tip internat məktəblərindəki qida rasionu ilə bu linkdən tanış ola bilərsiniz - https://e-qanun.az/framework/13549 

Bakı Şəhər İcra Hakimiyyətinin (BŞİH) balansında olan bütün bağçalar  cari il yanvarından Təhsil Nazirliyinin tabeliyinə keçirilib. Rəsmi məlumata görə, artıq Bakı Şəhər İcra Hakimiyyətinin tabeliyində bağça yoxdur. Bakı Şəhər Məktəbəqədər Təhsil Müəssisələri və Uşaq Evləri İdarəsi də artıq nazirliyin tabeliyindədir. Hazırda Bakı Şəhər İcra Hakimiyyətinin tabeliyində 3 uşaq evi qalıb. 

2021-ci il dekabrın 20-də Prezident İlham Əliyev dövlət məktəbəqədər təhsil sistemində idarəetmənin təkmilləşdirilməsi haqqında sərəncam imzalayıb.  Dövlət məktəbəqədər təhsil sistemində idarəetmənin təkmilləşdirilməsi, uşaqların məktəbəqədər təhsillə əhatə dairəsinin genişləndirilməsi və məktəbəqədər təhsilin keyfiyyətinin artırılması məqsədilə yerli icra hakimiyyəti orqanlarının (Bakı şəhəri üzrə Bakı Şəhər İcra Hakimiyyətinin, Gəncə şəhəri üzrə Gəncə Şəhər İcra Hakimiyyətinin) tabeliyində olan dövlət məktəbəqədər təhsil müəssisələri (uşaq evləri istisna olmaqla) Azərbaycan Respublikası Təhsil Nazirliyinin tabeliyinə verilib. 

 

2021-ci ilin məlumatına görə, Azərbaycanda 1825 uşaq bağçası var ki, onlardan 1692 dövlətdir. Dövlət bağçalarında 126 mindən çox uşaq tərbiyə alır. Həmçinin, 133 özəl bağça var ki, orada 5124 uşaq var. 

Gülnar Nazimqızı