Prezident: “Azərbaycan bütün öhdəliklərini yerinə yetirən etibarlı ölkədir”
01.06.2022 12:22
Azərbaycan və Avropa Komissiyası arasında səmərəli əməkdaşlıq Cənub Qaz Dəhlizinin reallaşdırılmasında mühüm rol oynadı və gələcək planlarımızın həyata keçirilməsində vacib rol oynayacaq. Bunu Azərbaycan Prezidenti İlham Əliyev Bakı Enerji Həftəsinin açılış mərasimində bildirib.
Dövlət başçısı Azərbaycanda siyasi və iqtisadi sabitliyin olduğunu nəzərə çatdırıb: "Yeni infranstrukturun tikintisi, böyük potensial, təcrübə - bütün bu amillər böyük enerji şirkətlərinin bərpa olunan enerjiyə investisiya qoymaq üçün cəlb edilməsi baxımından mühüm rola malikdir”.
www.anews.az
"Biz Avropa Komissiyası ilə daimi təmasdayıq. Fevral ayının əvvəllərində Bakıda Avropa İttifaqının (Aİ) enerji üzrə komissarı və Azərbaycanın energetika naziri arasında baş tutmuş müzakirələr nəticəsində Azərbaycan və Aİ arasında enerji dialoqu yaradıldı. Bura neft, qaz, elektrik enerjisi, bərpa olunan enerji və enerji səmərəliliyi daxildir. Bunlar geniş məsələlərdir və onların müzakirəsi gələcək planlarımızı qurmağa imkan verəcək”, - dövlət başçısı deyib.
İlham Əliyev söyləyib ki, Azərbaycan bütün öhdəliklərini yerinə yetirən etibarlı ölkədir: "Hasilatın pay bölgüsü ilə bağlı ilk müqavilənin imzalandığı 1994-cü ildən indiyədək müqavilədə bir söz belə dəyişdirilməyib. Bu, bizim mövqeyimizi nümayiş etdirir. Biz öhdəliklərimizə hörmət edir, onları yerinə yetiririk və istəyirik ki, tərəfdaşlarımız da öz öhdəliklərini yerinə yetirsin”.
www.anews.az
Youtube
Bizi Youtube-da izləyin
Oxşar xəbərlər
Oxşar xəbərlər
Cəmiyyət 22:08
Media və Yayım Şurası Türkiyə mediasında Azərbaycanla bağlı yayılan iddialara münasibət bildirib
Foto
Video
