Gəncədə kişi həyat yoldaşını öldürdü

Gəncə sakini, 32 yaşlı Gülüzar Həsənovanı həyat yoldaşı bıçaqlayaraq öldürüb. Bu barədə şəhər prokurorluğu məlumat yayıb.

Aparılmış araşdırmalarla müəyyən edilib ki, iyunun 3-də zərərçəkmişin əri 1985-ci il təvəllüdlü Sabir Şabanovun şəxsi münasibətlər zəminində aralarında yaranmış mübahisə zamanı Gülüzar Həsənovaya bıçaqla çoxsaylı xəsarətlər yetirib. Həsənova  aldığı xəsarətlərdən aparıldığı xəstəxanada ölüb.

Faktla bağlı Gəncə şəhər prokurorluğunda Cinayət Məcəlləsinin 126.3-cü (qəsdən sağlamlığa ağır zərər vurma ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi başlanıb.

Sabir Şabanov şübhəli şəxs qismində tutularaq istintaqa cəlb edilib.