Nəsir Əhmədli vəfat edib

 

Bu barədə anews.az-a Bakı Dövlət Universitetindən məlumat verilib.

 

Əməkdar jurnalist Tovuzda dəfn olunacaq.

 

Nəsir Əhmədli uzun zamandır ağciyər xərçəngindən əziyyət çəkirdi.

 

Nəsir Əhmədli 1942-ci ildə Tovuz rayonunun Alakol kəndində anadan olub.  1971-ci ildə BDU-nun Jurnalistika fakültəsini bitirib. 2004-cü ildən "Beynəlxalq jurnalistika" kafedrasında çalışırdı. Tədris etdiyi fənlər: "Jurnalistin nitq mədəniyyəti", "Azərbaycan Beynəlxalq Radiosu: tarix və ənənə", "Xüsusi kurs", "KİV xaricə siyasi informasiya yayımı sistemində". 100-dən artıq elmi məqalənin, 3 monoqrafiyanın, 1 dərsliyin, 5 dərs vəsaitinin, bütövlükdə 15 kitabın müəllifidir. 10 elmlər namizədinə rəhbərlik edib, 1 elmlər doktorunun, 11 elmlər namizədinin rəsmi opponenti olub. Beynəlxalq radio yayımının jurnalistikanın bütün sahələrinə tətbiq edilə biləcək model-sxemini hazırlayıb.

 

"Media açarı-2006"-ya, Ali Media Mükafatına, müxtəlif diplom və Fəxri Fərmanlara layiq görülüb.

 

Azərbaycan Yazıçılar və Jurnalistlər Birliyinin , Azərbaycan Mətbuat Şurası İdarə heyətinin üzvü olub.

 

Gülnar Nazimqızı