Laçına çəkilən alternativ yol gələn ay təhvil veriləcək

 

Azərbaycan Avtomobil Yolları Dövlət Agentliyi bu yolun 2022-ci ilin sentyabrında istifadəyə buraxılacağını bildirmişdi. 

"Yeni təhvil veriləcək yola sülhməramlılar yerləşdiriləcək və hazırda sülhməramlıların olduğu və Laşın şəhərindən keçən yol isə Azərbaycanın nəzarətində olacaq. Həmin yola Azərbaycanın Hüquq Mühafizə orqanları, Dövlət Sərhəd Xidməti, Müdafiə Nazirliyi, Dövlət Gömrük Xidməti birgə nəzarət edəcək. Nəticədə ermənilərin Qarabağa gediş-gəlişi azalacaq. Hazırda həmin yolun çəkilməsi ilə bağlı son işlər gedir. Yolun iyulda təhvil verilməsi nəzərdə tutulub", - Cəfərov söyləyib.

 

Yeni avtomobil yolunun tikilməsinə 2021-ci ilin iyulunda başlanılıb. Yolun  uzunluğu əvvəl 23 km nəzərdə tutulsa da sonradan  32 km-ə qədər uzadılıb. 2 hərəkət zolaqlı olacaq yolun layihə üzrə hərəkət hissəsinin eni 7 metr, torpaq yatağının eni 12 metr, çiyin hissələrin eni isə 2x2,5 (5 m) metr təşkil edəcək. Podratçı  şirkət "37 №-li Yİ" MMC, subpodratçı isə Polad şirkətidir. Bu yolda işlərin başa çatması 2022-ci ilin sentyabrında nəzərdə tutulsa da gələn ay təhvil verilməsi planlaşdırılır.