Milli Qəhrəmanın anası vəfat edib

O, bu gün gecə saatlarında 89 yaşında vəfat edib.

Fred Asif 1992-ci il fevralın 25-dən 26-na keçən gecə Xocalı camaatını xilas etmək üçün Ağdam-Əsgəran istiqamətində dəhlizin açılmasında, öz batalyonu ilə iştirak edib. Asif 1992-ci il 7 mart 859 saylı hərbi minaaxtaranlar hissəsinin komandiri təyin edilib. 10 mart 1992-ci il Asifin köməyi ilə Aranzəmin, Pircamal, Dəhrəz kəndləri düşməndən azad edilib. Həmin ilin martın 20-də Füzuli şəhərini öz batalyonunun köməyi ilə düşməndən qoruyub.

O, 1994-cü ildə vərəmdən vəfat edib. Bakıda İkinci Şəhidlər xiyabanında dəfn edilib. Asif Məhərrəmova "Fred” ləqəbini 1970-ci illərdə onun yoldaşları Ağdamın "Dostluq” kinoteatrında nümayiş olunan Danimarkanın "Birinci vur, Fred” filminin əsas qəhrəmanının şərəfinə görə veriblər. 

7 dekabr 1992-ci il ildə Məhərrəmov Asif Yusif oğluna "Azərbaycanın Milli Qəhrəmanı” adı verilsə də, o, bu addan imtina edib. Yalnız 1998-ci ildə, Asifin ölümündən dörd il sonra ümummilli lider Heydər Əliyev onun qəhrəman adını yenidən bərpa edib və vəsiqəsi ilə qəhrəman ulduzunu anasına təqdim edib.

 

Aytac