23 yaşlı şəxsə XİN-də yüksək vəzifə VERİLİB

Yeni şöbə müdiri bir ilə yaxındır ki, XİN-də Maliyyə idarəsində işləyir. İşə əvvəlcə məsləhətçi kimi başlayıb, sonra isə şöbə müdiri təyin edilib. Aydındır ki, gənc bir xanımın qısa zamanda maliyyə sahəsində hər hansı təcrübəyə sahiblənməsini iddia etməyin özü də əsassız olar. 

Prezident İlham Əliyevin kadr islahatlarının əsas istiqamətlərindən birini də  gənclərin dövlət idarəçiliyinə yaxından cəlb edilməsi təşkil edir. Amma bu o demək deyil ki, dünən ali məktəbi bitirmiş, heç bir həyat yolu, iş təcrübəsi olmayan insanlar mühüm vəzifələrə təyin olunsunlar. Belə təyinatlar uzun illərdir yüksəliş gözləyən əməkdaşları qıcıqlandırmır, həmin strukturda narazılıq yaratmır? Əlbəttə, yaradır və bizdə olan məlumat da bunu təsdiq edir. Bəs onda niyə belə  anlaşılmaz addımlara yol verilir? Bu sual ətrafında düşünməyə dəyər...(Qafqazinfo)
 

www.anews.az