Qanunsuz benzin satan obyekt bağlandı

Oğuz sakini Adil Xəlilovun yüksək gərginlikli hava elektrik xətlərinin altında və orta təzyiqli qaz xəttinin yaxınlığında neft məhsullarını qanunsuz satdığı aşkarlanıb. Onun obyektinin istismarı dayandırılıb. Fövqəladə Hallar Nazirliyinin Dövlət Yanğın Nəzarəti Xidməti məlumat yayıb.

Oğuz rayonunun Xaçmaz kəndində "Yuxarı bazar yeri” adlanan ərazidə fəaliyyət göstərən obyekt barədə Dövlət Yanğın Nəzarəti Xidmətinə məlumat daxil olubmuş.

Məlumatla əlaqədar Xidmətin mütəxəssisləri tərəfindən əraziyə baxış zamanı vətəndaşın həqiqətən də yüksək gərginlikli hava elektrik xətlərinin altında, orta təzyiqli qaz xəttinin, fərdi yaşayış evləri və meşə massivinin bilavasitə yaxınlığında müxtəlif neft məhsullarının (benzin, ağ neft, sürtgü yağı və s.) qeyri-qanuni satışını həyata keçirdiyi və yanğın təhlükəsizliyi sahəsində çoxsaylı və ciddi qayda pozuntularının mövcud olduğu öz təsdiqini tapıb.

Hazırda faktla bağlı araşdırma aparılır.






www.anews.az