DİN baş vermiş cinayətlərin sayını AÇIQLADI

2022-ci il iyulun 4-də Azərbaycanda 43 cinayətin üstü açılıb. Bu barədə Daxili İşlər Nazirliyinin mətbuat xidmətindən məlumat yayıb. 

"Əvvəlki dövrlərdən bağlı qalan cinayətlərdən 7-nin açılması daxili işlər orqanlarının əməkdaşları tərəfindən təmin olunub", - məlumatda yazılıb.
  
Axtarışda olduğuna görə ümumilikdə 19, o cümlədən borclu şəxs qismində axtarışda olan 11 nəfər saxlanılaraq aidiyyəti üzrə təhvil verilib. 

Respublikanın avtomobil yollarında 5 yol-nəqliyyat hadisəsi baş verib, nəticədə 5 nəfər ölüb, 6 insan xəsarət alıb.   

"Narkotiklərlə əlaqəli 9, qanunsuz saxlanılan silah-sursatın götürülməsi və aşkarlanması ilə bağlı 1 fakt müəyyən edilib", - qurumdan açıqlanıb.

Cinayət törətməkdə şübhəli bilinən 23 nəfər saxlanılıb.
 
Ləman Qasımova
www.anews.az