Norveç neft tətilinə görə qaz ixracını 56% azalda bilər

Norveçin Norwegian Oil and Gas şirkəti neft və qaz sənayesi işçilərinin tətili səbəbindən ixracatının təxminən 56%-ni digər ölkələrə satmağı dayandıra bilər. Bu barədə RİA Novosti neft-qaz müəssisəsinin mətbuat xidmətinə istinadən yazır.


Şirkət mümkün itkiləri gündəlik 182 milyon dollar səviyyəsində qiymətləndirib. İyulun 5-nə keçən gecə Norveçdə neft-qaz şirkətlərinin işçiləri tətilə çıxıblar. "Reuters" həmkarlar ittifaqının lideri Ledernenin bəyanatına istinadən həmin vaxt bildirmişdi ki, onlar maaşların artırılmasını tələb edirlər.

"İyulun 9-dan şənbə günündən etibarən tətil gücləndirilərsə, Norveç Kontinental Şelfindən (NCS) qaz ixracının təxminən 60%-i təsirlənəcək. Bu, gündəlik 1,8 milyard NOK (gündə 182 milyon dollar) gəlir itkisi deməkdir”, - şirkətin mətbuat xidmətindən bildiriblər.

Norwegian Oil and Gas bildirib ki, şirkət hər gün 341 min barel neft hasilatını və 1 milyon 117 min barel qaz ixracını itirir. Bu, Norveç kontinental şelfindən ümumi qaz ixracının 56%-nə uyğundur.


www.anews.az