Qarabağa sərmayə qoymaq üçün 1000-dən çox müraciət var

"Azərbaycanla Türkiyənin arasında ticarət dövriyyəsi 4,7 milyard  ABŞ dolları təşkil edib ki, bu da ötən ilin göstəricisini 12%-dən çox üstələyir. Preferensial Ticarət Sazişi əlaqələri möhkəmlədəcək. Bu saziş çərçivəsində hər iki ölkədən 15 məhsulun heç bir rüsum olmadan ixracı nəzərdə tutulur", - o deyib.

 

O söyləyib ki, bu ilin payızında Türkiyənin bir neçə şəhərində "Investment roadshow"un keçirilməsi planlaşdırılır.

"Ümumilikdə isə 1 milyard ABŞ dollarlıq investisiyadan danışırıq. Amma bu investisiyalar artacaq. Həmçinin, turistlərin sayı da artmaqdadır. Bu il Azərbaycandan Türkiyəyə 135 min, Türkiyədən Azərbaycana isə 125 min nəfər səfər edib", - o deyib. 

 

Tədbirdə yer alan, İqtisadi Zonaların İnkişafı Agentliyinin İdarə Heyətinin sədr müavini Elxan Şiriyev isə öz növbəsində bildirib ki, Azərbaycanın azad edilmiş ərazilərdə fəaliyyət göstərən iş adamları üçün bir sıra güzəştlər mövcuddur və hazırda bu güzəştlərin artırılması məsələsinə baxılır. Onun sözlərinə görə, vergi və gömrük güzəştlərinin 15 ilə qaldırılması, bir sıra xam malların gömrük rüsumlarından azad edilməsi ilə bağlı məsələ də var.

İyulun 6-da Bakıda Azərbaycan və Türkiyə arasında iqtisadi əməkdaşlığa həsr olunmuş xüsusi sessiya keçirilib.