Azərbaycanda narkotik istifadəçilərini cəmiyyətə göstərməliyik - Əli Hüseynli

 

"Qərb ölkələrində və Avropada artıq bu pratikadan istifadə olunur. Narkotikə düçar olan şəxs cəmiyyətə çəkinmək üçün göstərilir. Bizdə də bu tətbiq olunsa yaxşı olar. Azərbaycanda narkotiklə mübarizədə aiddiyatı qurumlar paralel olaraq üzərinə düşən işləri görürlər. Əsas olaraq da narkotiklə mübarizə ilə bağlı proseslər qanun üzərinə köçürülüb. Lakin bu bəlanın qlobal olmasını nəzərə alsaq üzərimizə çox öhdəliklər düşür", - deputat bildirib.

 

Əli Hüseynli onu da söyləyib ki, narkotiklə bağlı bəzi məsələləri hələ tənzimlənə bilmir.

 

"Biz hələ də uşaqları zərərli informasiyalardan tam qoruya bilmirik. Araşdırmaq lazımdır ki, bəladan qurtulmaq üçün hansı işləri görmək lazımdır. Məsələn, mən bir neçəsini vurğulamaq istəyirəm. Dövlət və mətbuat orqanları ilə birgə görülən işləri genişləndirmək lazımdır. Uşaqları bağçaya gedən vaxtlarından sağlam həyat tərzinə öyrətmək əsas şərtlərdən biridir. Bəzi təhsil müəssisələrində sağlam həyat tərzi üçün bəzi vərdişlər icbari olmadığı üçün maraqlı görünmür və nəticədə uşaqlar əlavə boşluqlarda qalır. Musiqi və mədəniyyət vərdişlərini də uşaqlıqdan aşılamaq daha vacibdir. Sadaladığım vərdişlər bizdə isə hələ təkmilləşmədiyi üçün birgə səylər nəticəsində bu problemlərin aradan qaldırılmasında bərabər çalışmalıyıq", - Hüseynli vurğulayıb. 

 

Azərbaycanda 2021-ci il 14 yeniyetmə narkotik istifadəçisi kimi qeydiyyata alınıb. 2020 və 2019-cü illərdə bu rəqəm 9 olub.

 

2021-ci il isə Azərbaycanda ümumilikdə  34 min 602 nəfər narkotikdən istifadəsinə görə qeydiyyata alınıb. Onlardan 566-sı isə qadındır.