Bərdə xəstəxanasında ana doğuşdan sonra ölüb

Hadisə iyulun 8-də baş verib.

Bərdə rayon Mərkəzi Xəstəxanasının doğum şöbəsinə gətirilən Tərtər rayonu Əskipara kənd sakini, 24 yaşlı Əsədova Sahilə Natiq qızı qeysəriyyə əməliyyatından bir neçə gün sonra ölüb.

O, iyulun 5-də uşaq dünyaya gətirmək üçün xəstəxanaya müraciət edib. Sahilə Əsədova qeysəriyyə əməliyyatından sonra böyrək çatışmamazlığı diaqnozu ilə xəstəxanada saxlanılıb. O, ötən gün xəstəxanada ölüb.

Xəstəxanadan bildirilib ki, Əsədovanın dünyaya gətirdiyi körpənin vəziyyəti yaxşıdır, səhhətində heç bir problem yoxdur.