“Tarqovu”da kanalizasiyada partlayış oldu - Yenilənib

Fövqəladə Hallar Nazirliyi Bakı şəhərinin Səbail rayonunda baş verən hadisə ilə bağlı məlumat yayıb.

İlkin məlumata görə, rabitə quyularından birində partlayış baş verib, yeraltı kommunikasiya xətlərində yanğın olub.
Yanğın yanğınsöndürənlər tərəfindən söndürülüb. Hadisənin səbəbi müvafiq qurumlar tərəfindən araşdırılır

 ------

Bakının mərkəzində kanalizasiyada partlayış olub. Partlayış "Tarqovu” kimi tanınan Nizami küçəsində baş verib.

Belə ki, küçədə kanalizasiya quyularından birinin dəmir qapağı ataraq kənara sıçrayıb. Daha sonra kanalizasiya quyusu yanmağa başlayıb. Quyunun yaxınlığındakı binada işıqlar sönüb. Hadisə yerinə polis və Fövqaladə Hallar Nazirliyinin əməkdaşları cəlb olunub. Dərhal ərazi boşaldılıb və insanların həmin hissəyə girişi qadağan edilib.

"ilkin məlumata görə, rabitə quyularından birində partlayış baş verib, yeraltı kommunikasiya xətlərində yanğın olub.Yanğın yanğınsöndürənlər tərəfindən söndürülüb. Hadisənin səbəbi müvafiq qurumlar tərəfindən araşdırılır", FHN-dən bildirilib.

 

Azərbaycan Dövlət Neft Şirkətinin (SOCAR) "Azəriqaz” İstehsalat Birliyinin baş direktoru Ruslan Əliyev deyib ki, Bakı şəhərinin Səbail rayonunda, H.Z.Tağıyev küçəsində baş vermiş partlayış və yanğının qaz sızması ilə əlaqəsi yoxdur