2 aylıq şirkət DİN tenderinin qalibi olub - Təfərrüfat
15.07.2022 10:18
Daxili İşlər Nazirliyinin Binəqədi rayon Mühafizə İdarəsi tərəfindən keçirilən tenderin qalibi "Papirus DM” MMC (VÖEN- 1102590561) olub. Dəyəri 12 min manat 5 qəpik olan tender müsabiqəsinin qalibi seçilən bu şirkət isə tender müsabiqəsinin başlamasından cəmi 2 ay əvvəl dövlət qeydiyyatına alınıb.
"Papirus DM” MMC Suraxanı rayon Mühafizə Şöbəsinə dəftərxana və təsərrüfat malları satacaq.
Suraxanı rayon Mühafizə İdarəsi tender müsabiqəsini (Kotirovka sorğusu) iyunun 23-də elan edib. Tender müsabiqəsinin qalibi olan "Papirus DM” MMC isə aprel ayının 25-də dövlət qeydiyyatına alınıb.
"Dövlət satınalmaları haqqında" Qanunun 6-cı maddəsində malgöndərənlərin (podratçıların) ixtisasına dair tələblər yer alıb. Həmin maddənin 6.2.1-ci bəndində açıq şəkildə yazılır ki, satınalma müqaviləsinin icrasını təmin etmək üçün müvafiq sahədə peşəkarlığının, təcrübəsinin, texniki və maliyyə imkanlarının, işçi qüvvəsinin, idarəetmə səriştəsinin, etibarlılığının olması lazımdır.
Cəmi 2 ay əvvəl yaranan şirkətin hansı peşəkarlığa və təcrübəyə sahib olduğu da başa düşülən deyil.
Onu da qeyd edək ki, aprel ayının 25-da Cəfərov Xudayar Məqatil oğlunun qanuni təmsilçi olduğu və hüquqi ünvanı Lökbatan ŞTQ, Xarici Dairəvi, ev 45 yerləşən daha 2 şirkət - "Bellor TT” MMC (VÖEN-1102590971) və "Cəfərli Tikinti” MMC (VÖEN-1102590841) də dövlət qeydiyyatına alınıb.
www.anews.az
Telegram
Bizi Teleqramda izləyin
Oxşar xəbərlər
Oxşar xəbərlər
Cəmiyyət 22:08
Media və Yayım Şurası Türkiyə mediasında Azərbaycanla bağlı yayılan iddialara münasibət bildirib
Foto
Video
