Sabirabadın icra başçısının mülkləri açıqlandı
15.07.2022 15:11
Qarabağ müharibəsinin iştirakçısı Elvin Cəfərovun intiharından sonra Sabirabadın icra başçısı Siraqəddin Cabbarovun fəaliyyəti tənqid edilməyə başlayıb. Mətbuatda yayılan məlumatlara görə, Cabbarov Binəqədidə icra başçısının müavini olarkən, müxtəlif avtobus marşurutlarını ələ keçirib, rayon ərazisində xeyli ticarət obyektlərinə, mülklərə sahib olub. Hətta bəzi iddialara görə, icra başçısı Binəqədi rayonunda dəyəri 100 minlərlə ölçülən villa tikdirərək, bir xanıma hədiyyə edib.
"AzPolitika.info”-ya verilən məlumatarda isə Siraqəddin Cabbarovun paytaxtın 7-ci mikrorayon adlanan ərazisində çoxsaylı obyektlərə sahib olduğu iddia edilir.
Həmin obyektlərin bir qisminin adını oxucalara təqdim edirik:
Həmin obyektlərin bir qisminin adını oxucalara təqdim edirik:
– "Aran Ticarət Mərkəzi”;
– "Aran” restoranı;
– Binəqədi rayonu ərazindəki "Qədim Qəbələ” restoranı;
– "100 cars” avtomobil salonu;
– 7-ci mikrorayon ərazisində yerləşən xeyli sayda mağaza və obyekt.
Sabirabadlı qazi Elvin Cəfərovun intiharı son günlər ölkə gündəminin əsas müzakirə mövzularından birinə çevrilib. Belə ki, Elvin Cəfərov intihar hadisəsindən bir gün əvvəl çəkdiyi videoda Sabirabad Rayon İcra Hakimiyyətinin başçısı Siraqəddin Cabbarovun ona diqqət göstərmədiyini, qəbuluna düşə bilmədiyini qeyd etmişdi. Elvin Cəfərovun intiharı Sabirabadda baş verən ilk analoji hadisə deyil. Belə ki, bundan bir ay öncə Sabirabad rayonunun Cavad kəndindən olan Qarabağ müharibəsi iştirakçısı Manafov Maşalla cari ilin iyunun 16-da Sabirabad Rayon İcra Hakimiyyəti binasından çıxdıqdan sonra kəndin ərazisində yerləşən çöl-pay torpağında özünü asaraq intihar etmişdi.
www.anews.az
Twitter
Bizi Twitterdə izləyin
Oxşar xəbərlər
Oxşar xəbərlər
Cəmiyyət 22:08
Media və Yayım Şurası Türkiyə mediasında Azərbaycanla bağlı yayılan iddialara münasibət bildirib
Foto
Video
