Günvurma zamanı nə edək?
16.07.2022 11:49
Günvurma(istivurma) bədənin temperatur mübadiləsinin pozulması nəticəsində baş verir. Dolayısı ilə bədən daxilindəki istiliyi ətrafa verərək soyuya bilmir.
Bu barədə Təcili Tibbi Yardım həkimi Əsədulla Ağayev bildirib.
Onun sözlərinə görə gündüz saatlarında (12:00-16:00 arası) açıq havada, günün altında uzun müddət gəzmək tövsiyə edilmir.
Bundan başqa havalandırılması zəif olan qapalı məkanlarda, avtomobilin içində uzun müddət qalmaq istivurma riskini artırır. Uşaqlar istivurma/günvurmaya daha tez məruz qalırlar, bu səbəbdən onları uzun müddət günün altında saxlamaq tövsiyyə edilmir.
• Baş ağrıları
• Ürəkbulanma/qusma
• Baş gicəllənmə
• Ümumi halsızlıq
• Susuzluq hissi
• Güclü tərləmə
• Bədən temperaturunun artması
• Əzələ qıcolmaları
• Huşun itməsi və s...
Həkimə qədər ilkin yardım aşağıdakı kimidir:
• Zərərçəkmişi sərin kölgəli yerə aparın
• Üzərindəki kip, qalın geyimləri çıxardın
• Dərisini nəm parça ilə silin
• Huşu özündədirsə, az-az maye verin (Kofe, alkoqol və energetik tərkibli içki vermək olmaz)
• Əgər zərərçəkmişin huşu yoxdursa, onu sol tərəf üstə uzadıb, dərhal təcili yardım çağırın
• Dəridə yanıqlar əmələ gələrsə, ilk yardım çantasından steril sarğı ilə yaraları örtüb həkimə müraciət edin .
www.anews.az
Telegram
Bizi Teleqramda izləyin
Oxşar xəbərlər
Oxşar xəbərlər
Cəmiyyət 22:08
Media və Yayım Şurası Türkiyə mediasında Azərbaycanla bağlı yayılan iddialara münasibət bildirib
Foto
Video
