Rusiyada COVID-19-a yoluxanların sayı kəskin artır

Rusiyada bu həftə koronavirusa yoluxanların sayı keçən həftə ilə müqayisədə 25% çoxdur.

Bu barədə  "TASS" xəbər verir.

İyulun 11-dən iyulun 17-dək ölkədə 28 085 yoluxma (bu, mayın sonundan bəri maksimumdur), iyulun 4-dən iyulun 10-dək isə 22 452-yə yoluxma qeydə alınıb. Rusiyada infeksiyaya yoluxma artıq üçüncü həftədir artmaqdadır və bazar günü yoluxma nisbəti 1,34-ə çatıb. Bu da fevralın əvvəlindən bəri ən yüksək göstəricidir.

İkinci həftədir ki, xəstəxanaya yerləşdirilən xəstələrin sayı da artır. Operativ Qərargahın məlumatına görə, son 7 gündə əvvəlki analoji dövrdəki 7629 nəfərə qarşı (4,9% artım) 8003 nəfər xəstəxanaya yerləşdirilib.