Qazinin əlilliyi niyə kəsilib? - RƏSMİ AÇIQLAMA

 

"2014-cü ildə mənzil şəraitinin yaxşılaşdırılması məqsədilə məni evlə təmin ediblər və ömürlük əlilik statusu almışam. Lakin 2020-ci ilin avqustunda əlilik müavinəti kəsilib. Aidiyyatı qurumlara müraciət etsəm də bərpa olunmur. Əgər əlil deyiləmsə, niyə məni evlə təmin etmisiz və ya əliləmsə, niyə müavinətimi kəsmisiniz?",- Süleyman Babayev bildirib.

 

Dövlət Tibbi Sosial Ekspertiza və Reabilitasiya Agentliyinin mətbuat katibi Tural Qurbanov məsələyə münasibət olaraq bildirilib ki, Süleyman Babayeve ömürlük əlilik təyinatı ilə bağlı əyani müayinəyə dəvət olunub və vətəndaşin hazirki vəziyyəti isə əlilliyə əsas vermir. Hətta tam reabilitasiya hesab olunur.

 

"Xaçmaz rayon sakini Babayev Süleyman Rzababa oğlu əlilliyinin qiymətləndirilməsi məqsədilə 12.04.2021-ci il Dövlət Tibbi Sosial Ekspertiza və Reabilitasiya Agentliyində əyani müayinəyə edilib. Müayinə zamanı müəyyən edilib ki, Süleyman Babayevin hazırkı sağlamlıq vəziyyəti əlillik təyinatına uyğun deyil.
Bu baxımdan vətəndaşın əlilliyinə imtina verilib və tam reabilitasiya olması barədə qərar qəbul edilib", - qurumun sözçüsü əlavə edib.

 

Tural Qurbanov onu da əlavə edib ki, əliliyin ömürlük təyin olunması qanunvericiliyə uyğun olaraq geridönməz hallarda yəni- amputasiya halları,gözün tamamilə görməməsi və s. zamanı müəyyən olunur.

 

Gülnar Nazimqızı