Bir qəsəbədə 58 nəfər sudan zəhərləndi- TƏBİB rəsmi açıqlama

Hadisə Yeni Çələbixan qəsəbəsində qeydə alınıb. Zəhərlənən şəxslərdən 41 nəfəri yeniyetmələr olub. Sakinlər qusma, qızdırma və islah əlamətləri ilə Şəki Rayon Mərkəzi Xəstəxanasına müraciət ediblər.

 

Hadisə ilə bağlı Tibbi Ərazi Bölmələrini İdarəetmə Birliyi (TƏBİB) rəsmisi Zamirə Ədilova Anews.az-a açıqlamasında bildirib ki, xəstələrə ilkin tibbi yardım göstərildikdən sonra evlərinə buraxılıb.

İlkin ehtimal olaraq, qəsəbə sakinlərinin sudan zəhərləndiyi bildirilir. Qida Təhlükəsizliyi Agentliyi tərəfindən məsələ araşdırılır.

 

DİN-in Mətbuat Xidmətinin Şəki regional qrupundan bildirilib ki, sudan müvafiq nümunələr götürülüb və ekspertiza təyin edilib. Hazırda faktla bağlı araşdırma aparılır.