İtkin düşən veteran tapılıb

İtkin düşən Vətən müharibəsi iştirakçısı Cavid Bədəlli tapılıb.Bu barədə anews.az-a onun atası Rafiq Bədəlov məlumat verib.

 

"Oğlum artıq tapılıb. 1o gün idi dostunun yanında qalırmış. Heç bir narahatçılıq yoxdur. Oğlumun tapılmasında dəstək göstərən hər kəsə təşəkkür edirəm", - Rafiq  Bədəlov bildirib.

 

Vətən Müharibəsi iştirakçısının tapılması xəbərini Daxili İşlər Nazirliyinin əməkdaşı Zeyni Hüseynov da təsdiqləyib və bildirib ki, Cavid Bədəlli artıq ailəsinin yanındadır.

 

44 günlük Vətən Müharibəsi iştirakçısı Cavid Bədəlov 9 gün idi yaşadığı Xırdalan qəsəbəsi ərazisində yerləşən evdən çıxaraq geri qayıtmayıb.

 

Cavid Bədəlov İkinci Qarabağ Müharibəsi iştirakçısıdır. Müharibədə göstərdiyi qəhrəmanlığa görə, prezidentin sərəncamı ilə 5 medalla təltif olunub.

 

Gülnar Nazimqızı