Bakıda yaşıllıq ərazidə tikinti aparılır - ŞİKAYƏT

Bildirilib ki, yaşayış binasının qarşısındakı ağacların təxminən 15-i artıq kimyəvi məhlul tökülərək qurudulub.

"Yaşıllığın kütləvi məhvini sakinlər müşayiət etsələr də, həmin anı videoya çəkə bilmədiklərini qeyd edirlər. Eyni zamanda, binanın qarşısındakı parkda bir neçə ay öncə beton tökülərək, aşağı hündürlükdə hörgü işləri aparılıb. Bir müddət öncə isə həmin əraziyə mobil ev quraşdırılıb və artıq bir sakin orada yaşamağa başlayıb. Həmin evin yerləşdirilməsi üçün ərazidəki bir neçə ağac kəsilərək məhv edilib”, - o deyib.

Binəqədi Rayon İcra Hakimiyyətindən Oxu.Az-ın sorğusuna cavab olaraq bildirilib ki, Binəqədi rayonu, 7-ci mikrorayon, A.Kunanbayev küçəsi, 5a/15 saylı binanın qarşısında yerləşən vaqonda məskunlaşmış məcburi köçkün, vətəndaş Ülkər Abılova bina sakinlərinin ümumi istifadəsində olan yaşıllıq ərazisində tikinti aparmağa cəhd göstərib.