Sənay Yağmurun zorlanması işi ilə bağlı Bakıda aksiya keçirilib

 

Təxminən 20 nəfərin iştirak etdiyi aksiyada əsasən "Məhkəmə satılıq deyil, ədalətli hökm ver!", "Sifarişi dayandır!", "Təcavüzkarı qoruma!" şüarları səsləndirilib. 

 

Fəallar həmçinin ölkə başçısından məhkəmə qərarının çıxarılmasını tələb ediblər. 

  

2021-ci il oktyabrın 12-də yazar Zümrüd Yağmur azyaşlı qızı SƏnay Yağmurun 1 il əvvəl cinsi zorakılığa məruz qaldığını açıqlayıb. Yazarın sözlərinə görə, ekspertiza rəylərində qızının paltarındakı biomaterialların Əsgər Ağayevə məxsus olduğu göstərilib.

Faktla bağlı Cinayət Məcəlləsinin 149-cu (zorlama) maddəsilə cinayət işi başlanıb. Ancaq Yasamal Rayon Prokurorluğu Əsgər Ağayevin məsuliyyətə cəlb edilməsilə bağlı yetərli dəlillərin olmadığını bildirərək cinayət işi üzrə icraata 2 dəfə xitam verib.

Cinsi zorakılıq törətdiyi iddia edilən Əsgər Ağazadə 2021-ci il oktyabrın 19-da şübhəli şəxs qismində saxlanılıb barəsində 4 ay həbs qətimkan tədbiri seçilib. 

 

Sənay Yağmur Azərbaycan Xalq Cəbhəsi Partiyasının Rəyasət Heyətinin üzvü Fuad Qəhrəmanlının qızıdır. Artıq 1 ilə yaxındır ki, cinayət işi açılıb, aylardır davam edən məhkəmə prosesində hələ də hökm oxunmayıb. İctimai və  feminist fəallar bu prosesin bilərək uzadıldığını iddia edir.