Xaricdə təhsil alan 22 nəfərin diplomu tanınmadı

2022-ci lin avqustunda Təhsildə Kefiyyət Təminat Agentliyinə müraciət edən 200 nəfərin 22-sinin diplomu tanınmayıb. Bu barədə agentliyin rəsmi saytında məlumat yerləşdirilib.

Həmin məlumata görə müraciət edən 178 nəfər barəsində müsbət qərar çıxarılıb.

İmtina alan şəxslərin təhsil ölkəsində tələb olunan minimal müddətin ödənilməməsi, həm də tədris dilinin qənaətbəxş olmaması səbəbi ilə 7, tədris dili üzrə bilik səviyyəsinin qənaətbəxş olmaması səbəbi ilə 6, tədris yükünü mənimsəmək üçün təhsil  aldığı ölkənin ərazisində kifayət qədər olmaması səbəbi ilə 4, digər səbəblər üzrə 5 nəfərin  müraciəti mənfi qərarla yekunlaşıb.

Müraciət edənlərin 81 Türkiyə, 63-ü Rusiya, 22-si Ukrayna, 9 Böyük Britaniya və Şimali İrlandiya, 6-sı Gürcüstan, 19 nəfəri isə digər ölkələrdə təhsil almaq üçün müraciət edən tələbələr olub.

Təhsil alanların ixtisaslarına görə isə 27-si tibb, 16-si hüquqşünaslıq, 11-I iqtisadiyyat, 10-u biznesin idarə edilməsi,  digər 10- u isə stomatologiya ixtisası üzrə qeydiyyata alınıb.

 

Təhsil eksperti Kamran Əsədov bildirir ki,  tələbə qiyabi və əyani-qiyabi təhsil alırsa, amma həmin ixtisas Azərbaycanda yalnız əyani əsaslarla təşkil olunursa, bu zaman diplom tanınmır.

 

 

 Gülnar