Erməni milyarder Rusiya vətəndaşlığından imtina edərək Qarabağa köçüb

Sahibkar belə bir addımı Bakı ilə İrəvan arasında növbəti gərginliklə bağlı atıb.

 

Onun fikrincə, hərbi əməliyyatların aktiv fazası 2020-ci ildə başa çatsa da, tərəflər hələ sülh sazişi bağlamayıb.

 

Forbes jurnalına görə, Vardanyanın 1 milyard dolları  var. 2021-ci ilin sonuna sahibkar Rusiyanın 200 ən varlı iş adamı reytinqində 116-cı yeri tutub. 2020-ci ildə isə o, bu siyahıda 103-cü yerdə idi.

 

Millət vəkili Ziyafət Əsgərovun fikrincə, erməni əsilli vətəndaşlar ancaq o halda Qarabağa köçə bilər ki, onlar Azərbaycanın vətəndaşlığını qəbul etmiş olsun.

 

"Qarabağda yaşamaq istəyən ermənilər Azərbaycanın müfaviq orqanlarına müraciət etməlidir və vətəndaşlıq almalıdır. Müraciət edənlərin keçmişi yoxlanılacaq ki, cinayət keçmişi olub yoxsa olmayıb. Erməni milyarder də həmçinin müraciət etməlidir. Əgər cinayətkar keçmişi olmayıbsa Azərbaycan vətəndaşlığını qəbul etdiyi halda Qarabağa köçə bilər. Milyarderdisə lap yaxşı köşsün və ermənilərin vurduğu zərəri ödənilməsinə kömək etsin. Sübut etsin ki, erməni xalqı adından Azərbaycandan üzr istəyir və Qarabağın dirçəlməsində iştirak etmək istəyir. Biz buna etiraz etmirik və yaxşı baxırıq. Əgər qanunsuz köçübsə onda ona qarşı hüquq-mühafizə orqanları tərəfindən uyğun tədbirlər görülməlidir",  - millət vəkili bildirib.