Aşkarlanan insan alveri qurbanlarının çoxu Azərbaycan vətəndaşıdır

"Dövlət Departamenti və USAID/Azerbaijan Azərbaycan hökumətinin insan alverinə qarşı mübarizə səylərini dəstəkləməyə davam edəcək” -, məlumatda qeyd edilib.

QHT-lərin nəzdindəki sığınacaqların maliyyəsi aşağıdır, xarici qrantları məhdudlaşdıran qanunvericilik isə onların xarici donorlardan vəsait almasını mümkünsüz edir, sənəddə vurğulanır.

 

Hesabatın insan alveri üzrə ticarət profilində qeyd edilir ki, son beş ildə olduğu kimi, insan alveri qurbanları arasında həm Azərbaycan, həm də xarici ölkə vətəndaşları var.  Azərbaycanda istismar edilən qurbanların xaricə aparılma faktları da aşkarlanıb.  Azərbaycanlı kişilər və oğlanlar Qətər, Rusiya, Türkiyə və Birləşmiş Ərəb Əmirlikləri (BƏƏ) kimi ölkələrdə məcburi əməyə cəlb olunurlar.

Qadınların isə həm ölkə daxilində, həm də İran, Malayziya, Pakistan, Qətər, Rusiya, Türkiyə və BƏƏ-də cinsi istismara cəlb edildiyi bildirilir. Azərbaycan özü də Çin, Rusiya, Tacikistan, Türkmənistan, Ukrayna və Özbəkistandan seks və əmək alveri üçün idxal ölkəsidir.

 

Hesabatda deyilir ki, ötən il müəyyən edilən 94 insan alveri qurbanından 93-ü Azərbaycan Respublikası vətəndaşı, 1-i isə əcnəbi olub. Bu şəxslərdən 81-i cinsi istismar məqsədilə Türkiyə Respublikasında, 4-ü Birləşmiş Ərəb Əmirliklərində, 9-u ölkə daxilində məcburi əməyə məruz qalıb. Zərərçəkənlərdən 80-ni sığınacağa yerləşdirilərək, hər birinə tibbi, psixoloji və hüquqi yardımlar göstərilib.