13 yaşlı qızı zorlayan şəxsi 15 il həbs cəzası gözləyir

 

Bakıda 13-yaşlı qızın uşaq dünyaya gətirməsi barədə xəbər ilk olaraq hüquq müdafiəçisi Kəmalə Ağazadə tərəfindən Facebook-da paylaşım edildikdən sonra bəlli olub. Daha sonra TƏBİB bu faktı təsdiq edib. 

 

TƏBİB məlumatına görə, 40 həftəlik hamiləliyi olan qızın doğuşu  evdə təşkil olunub. Daha sonra anada qanaxma yarandığından ailə üzvləri təcili yardıma müraciət edib və onu xəstəxanaya yerləşdiriblər. Amma qızın anası xəstəxana işçilərinə bu hamiləlikdən xəbərdar olmadığını bildirib və qızını uşaqdan imtina etməyə çağırıb. 

 

 

"Uşaq 14 yaşına çatmayan şəxs olduqda, faktiki olaraq zorlama kimi qiymətləndirilir. Cinayət məcəlləsinin 149.3.3 maddəsi ilə 10 ildən 15 ilədək azadlıqdan məhrum edilməlidir. Ananın valideyninin isə övladından məhrum olunması gözlənilir. Əvvəlcə cinayət araşdırılmalıdır.  Həmin vaxtlarda uşağın məktəbə getməməsinə görə məktəb və müəllim isə müəllimlərin əmək münasibətinin pozulması hesab olunur. İntizam qaydasına əsasən müəllim məsuliyyətə cəlb oluna bilər'', - hüquqşünas bildirib.  

 

Ombudsmandan verilən məlumata görə, 13 yaşlı qızın ana olması ilə bağlı kütləvi informasiya vasitələrində və sosial şəbəkələrdə yayımlanmış məlumat Ombudsman tərəfindən nəzarətə götürülüb. 

 

"Ombudsmanın tapşırığına əsasən, Aparatın əməkdaşları, həmçinin psixoloqu həmin qızla görüşərək onun və doğulan körpənin səhhəti ilə maraqlanıblar.  Eyni zamanda, məsələ ilə bağlı hüquq mühafizə orqanlarına müraciət ünvanlanıb",- qurumdan bildirilib.

 

Məsələ ilə bağlı Daxili İşlər Nazirliyinin ictimaiyyətlə əlaqəlar şöbəsinin rəisi Elşad Hacıyev bildirir ki, Sabunçu rayon polis idarəsi və rayon prokrorluğu tərəfindən məsələ nəzarətə götürülüb. Müvaffiq  araşdırılma aparılır,  hazırda saxlanılan şəxs yoxdur.