Azərbaycanlı yazıçıdan ukraynalı uşaqlara dəstək AKSİYASI

 

"Ukraynaya yardım edən minlərlə belə şəxsin addımı alqışa layiqdir. Mənim isə bir Azərbaycan yazıçısı olaraq adamın Ukraynaya milyon dollarla yardım edən məşhur ədəbiyyat və mədəniyyət adamlarının sırasına daxil olmaq üçün maddi imkanım yoxdur. Öz kitablarımı parkda sataraq Ukraynadan Azərbaycana sığınmış ailələrin övladlarına məktəb ləvazimatı almaq təşəbbüsüm isə Ukraynaya maddi yox, mənəvi dəstəyimin ifadəsidir", yazıçı bildirib.

Rusiya 2014-cü ilin fevralında Ukraynanın Krım Muxtar Respublikasını ilhaq edib. Bundan sonra Ukraynanın Donbas bölgəsində hərbi əməliyyatlara başlayıb. 2022-ci ilin fevralın 21-də Rusiya Prezidenti Vladimir Putin xalqa müraciətində Ukraynanın Donbas ərazisində yaradılan iki qondarma respublikanı tanıdığını bildirib. O, bununla bağlı fərman imzalayıb.

Rusiya cari ilin fevralın 24-də Ukraynaya hücum edib. Bu müddət ərzində ölkənin bir sıra şəhər və qəsəbələri dağıdılıb, minlərə adam həlak olub, milyonlarla insan ölkədən qaçqın düşüb.

Beynəlxalq aləm Rusiyanın bu addımını pisləyir və qoşunlarını Ukraynadan çıxarmağa çağırır.

Rəsmi Moskva isə qonşu Ukraynaya qarşı apardığı müharibəni "xüsusi hərbi əməliyyat" adlandırır. Bundan başqa "müharibə" sözündən istifadə edənlər, "müharibəyə yox" deyənlər, o cümlədən Rusiya müdafiə nazirliyinin rəsmi məlumatlarından fərqli xəbərlər verən fərdlər və KİV-lər cəzalandırılır.

Azərbaycan daxil olmaqla, BMT üzvlərinin mütləq əksəriyyəti Krım yarımadası və Donbası Ukraynanın ərazisi olaraq tanıyır.
 
Ləman Qasımova