Bakıya yeni metro vaqonları gətirilir

 

Bildirilib ki, yeni vaqonlar daha geniş, işıqlı və hermetikdir. Qatarlar Bakıya gətirildikdən sonra sınaqdan keçiriləcək və istismara veriləcək.

 

"Yeni vaqonların alınması ilə bağlı Rusiyanın "Metrovaqonmaş" şirkəti ilə əməkdaşlığımız növbəti illərdə də davam edəcək. Onlar bizə texniki xidmət və ehtiyat hissələri ilə bağlı da dəstək verir. Qarşıdakı illərdə digər istehsalçılarla əməkdaşlıq etmək nəzərdə tutulmur. Hazırda yeni qatarlarımızın sayı 19-dur, 4 yeni qatarın gətirilməsi ilə 23-ə çatdırılacaq. Bundan başqa, bu il 10 köhnə vaqon sökülüb, aidiyyatı üzrə qara və əlvan metalları təhvil verilib. Bu proses növbəti illərdə də davam etdiriləcək", - o bildirib. 

 

Səhmdar cəmiyyətinin sədr müavini Hidayət Məmmədov bildirib ki,  "Bakı Metropoliteni" QSC-nin mütəxəssislərindən ibarət nümayəndə heyəti Rusiyanın paytaxtı Moskvaya səfər edib.

Onun sözlərinə görə, səfərin məqsədi metronun qonşu ölkənin "Metrovaqonmaş" şirkətinə sifariş etdiyi və hazırda istehsal olunan 4 qatara (20 vaqona) baxış keçirməkdir.

"Tezliklə həmin qatarlar Bakıya gətiriləcək", - o deyib.

 

Sədr müavininin sözlərinə görə "Bakı Metropoliteni" QSC-nin "Nizami" stansiyasında texniki tələblərə cavab verməyən, stansiyanın estetik görkəminə uyğun gəlməyən işıqlandırma sistemi yenidən qurulacaq.

"Bu məqsədlə hazırlıq işləri görülüb. Yenidənqurma sərnişin hərəkətinə maneə yaratmamaq üçün, əsasən, gecə saatlarında həyata keçiriləcək. Gündüz stansiya yolunun işıqlandırılmasının hərəkətin təşkilinə uyğun olması üçün ehtiyat şəbəkə qurulub. İşlər çərçivəsində stansiya yolunda kosmetik işlər də aparılacaq. Buna qədər stansiyanın orta zalında əsaslı təmir işləri aparılıb. Nizami Gəncəvinin ölməz sənət əsərlərindən ibarət pannolar orijinal görkəminə qaytarılıb. Həmin zaman standiyanın orta zalının işıqlandırmama sistemi də yenidən qurulub", - o qeyd edib.

 

 Eyni zamanda "Bakı Metropoliteni" QSC koronavirus (COVID-19) pandemiyası dövründə QR kod və bank kartı ilə ödənişləri sınaqdan keçirilib.

Bunu səhmdar cəmiyyətinin İşarəvermə və rabitə xidmətinin rəisi Elçin Məmmədov bildirib.

"Bu cür ödənişlərin tətbiqinə tam hazırıq, qərar gözləyirik", - o bildirib.