Heyvan haqları müdafiəçiləri cərimələndi

İddiaçıların şikayətinə görə, heyvan haqları müdafiəçiləri "Toplan"-nın nüfuzuna xələl gətirib və həmin qurumun iki əməkdaşın fotosunu paylaşandan sonra onların müştərilərinin sayı kəskin azalıb. Təhqir və böhtan əməllərində ittiham olunan Aynur Babazadə, Nicat İsmayılov, Elxan Mirzəyev və İlhamə Nəsirovadan 100 000 manat məbləğində təzminat tələb edilmişdi.

 

Heyvansevərlər bir neçə dəfə "Toplan" Sahibsiz İtlərə Qayğı Mərkəzinin önündə etiraz aksiyası keçiriblər. Etirazçılar iddia edir ki, mərkəzdə küçədən toplanan itlər məhv edilir. Onların əsas tələbi mərkəzin ictimaiyyət qarşısında şəffaf fəaliyyət aparması, qapılarını könüllülərə açması, itlərə nə edildiyi haqqında onlara məlumat verilməsidir.