Mədəniyyət Nazirliyi Səfərbərlik xidmətinə XƏBƏRDARLIQ etdi
04.10.2022 12:20
Mədəniyyət Nazirliyi Səfərbərlik və Hərbi Xidmətə Çağırış üzrə Dövlət Xidmətinə icazəsiz bərpa işlərinə başladığı üçün xəbərdarlıq edib. Bu barədə anews.az-a
Mədəni İrsin Qorunması, İnkişafı və Bərpası üzrə Dövlət Xidmətinin mətbuat katibi Nuridə Allahyarova deyib.
"Səbail rayonu, Neftçilər prospekti 51 ünvanında yerləşən abidəyə 13.09.2022-ci il tarixində Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin Bakı Regional İdarəsinin əməkdaşları tərəfindən keçirilən baxış zamanı həmin binanın fasadında ayağaltılar qurulmaqla və dam hissəsinə qeyri-qanuni müdaxilələr edilməklə təmir-bərpa işlərinə hazırlıq görüldüyü aşkar olunub. Həmin bina da Mədəniyyət Nazirliyinin balasında olduğu üçün bərpa işlərinin başlanması üçün Mədəniyyət Nazirliyindən icazə alınmalıdır. Biz bərpa işlərinə rəy verdikdən sonra onlar təmir-bərpa işlərini həyata keçirə bilər. Lakin bununla bağlı nazirliyə heç bir müraciət daxil olmayıb. Əgər bərpa-təmir işlərini dayandırmasalar aiddiyatı üzrə hüquq mühafizə orqanlarına müraciət olunacaq", - Nuridə Allahyarova bildirib.
Məsələ ilə bağlı Səfərbərlik və Hərbi Xidmətə Çağırış üzrə Dövlət Xidməti ilə əlaqə yaratmağa çalışsaq da telefonlarımıza cavab verilmədi.
Gülnar Nazimqızı
www.anews.az
Youtube
Bizi Youtube-da izləyin
Oxşar xəbərlər
Oxşar xəbərlər
Cəmiyyət 22:08
Media və Yayım Şurası Türkiyə mediasında Azərbaycanla bağlı yayılan iddialara münasibət bildirib
Foto
Video
