Dünya bazarlarında arpanın qiyməti açıqlanıb

Arpanın 1 tonunun qiyməti Avropa bazarında 2022-ci ilin avqustunda əvvəlki ayla müqayisədə 2.27% azalaraq  $301.6 ABŞ dolları, Qara dəniz bazarında isə 8.34% azalaraq $292.1 səviyyəsində qərarlaşıb.  Bu məlumat "Aqrar Tədqiqatlar Mərkəzinin Kənd Təsərrüfatı və Ərzaq Məhsulları üzrə Dünya Bazarı Konyukturasına aid qısa icmal" sənədində öz əksini tapıb.

 

"Arpanın dünya bazar qiymətində 2021-ci ildə artım qeydə alınıb. 2022-ci ilin ikinci rübündə arpanın qiyməti ötən rüblə müqayisədə həm Avropa bazarında, həm də Qara dəniz limanında artıb. 2022-ci ilin martından müşahidə edilən kəskin artım növbəti aylarda nisbətən sabitləşib", sənəddə qeyd edilib.

 

Sənədə görə, düyünün dünya bazarı qiyməti 2020-ci ildə əvvəlki ilə nisbətən artsa da 2021-ci ildə yenidən azalıb. 2022-ci ilin ikinci rübündə düyünün 1 tonunun dünya bazarı qiyməti əvvəlki rübə nisbətən 5.20% artaraq $426.5  olub. Aylıq müşahidə dövründə isə 2021-ci ilin dekabr;ndan başlayan artım 2022-ci ilin iyununda azalma ilə əvəzlənib. 2022-ci ilin avqustunda düyünün 1 tonunun dünya bazarı qiyməti əvvəlki ay ilə müqayisədə 1.70% artaraq $ 412.6  səviyyəsində  olub.

 

Ləman