Yeni yaradılan dini telekanalın təsisçilərinin açıqlaması

Yeni yaradılmış A9 Azərbaycan internet kanalı Adnan Oktara aid deyil Internet telekanalının təsisçiləri ANS PRESS-ə açıqlamalarında, kanalın Türkiyədə yayımlanan A9 TV telekanalının filialı olmadığını bildirdilər. 

Təsisçilər Ramiq Vəliyev, Ramil Rüstəmov və Tural Vəliyevin açıqlamasında deyilir: Təsisçisi olduğumuz “A9 Azərbaycan” internet kanalı müstəqil fəaliyyət göstərir. Kanalımız Türkiyədə fəaliyyət göstərən “A9 TV”-nin filialı deyil. Yazıçı Adnan Oktar “Publika.az” saytına verdiyi açıqlamada: "Mənim Azərbaycanda televiziya açmağımla bağlı xəbərlər doğru deyil”, -deyərək yayılan xəbərlərin həqiqətə uyğun olmadığına aydınlıq gətirmişdir. (http://publika.az/p/14910)

Ancaq bəzi kütləvi informasiya vasitələri təsisçisi olduğumuz “A9 Azərbaycan” internet kanalının cənab Adnan Oktara məxsus olması haqqında həqiqətə uyğun olmayan əsassız xəbərlər yayırlar.

Lakin hazırlanan verilişlərdə digər yüzlərlə televiziya kanalları kimi, cənab Adnan Oktarın əsərləri əsasında hazırlanan elmi faktlara istinad edilir.

“A9 Azərbaycan” internet televiziyası olaraq əsas məqsədimiz kainatın və insanın yaradılış məqsədini, Quranda bildirilən elmi məlumatları, Qurana əsaslanan din anlayışını, son dövrlər baş vermiş axırzaman əlamətlərini doğru və ən gözəl şəkildə izləyicilərimizə çatdırmaqdır.

Kanalımız Azərbaycanın müstəqilliyinə, bütövlüyünə, dövlətçilik prinsiplərinə, hazırkı sürətli inkişafına zərbə vura biləcək milli-mənəvi və ümumbəşəri dəyərlərlə uzlaşmayan hər cür fəlsəfə, ideologiya və cərəyanlara qarşı maarifləndirici proqramlar hazırlayaraq bu istiqamətdə dövlətimizə yaxından dəstək olmağı əsas prinsiplərindən biri olaraq mənimsəmişdir.

ANS PRESS