Bağçada işləmək istəyən müəllimlər psixoloji testə cəlb olunacaq

İşə qəbul üzrə müsabiqə üçün minimum keçid balı 35 müəyyənləşdirilib. Minimum tələbi ödəyən bütün namizədlər müsahibə mərhələsində iştirak edə biləcək. 

Təhsil eksperti Elçin Əfəndi Anew.az-a məsələylə  bağlı açıqlamasında bildirib ki, bağçalarda uşaqların tərbiyəçilər tərəfindən döyülməsi hallarına dəfələrlə rast gəlminib.  Bu halların qarşısının alınması üçün məktəbəqədər təhsil müəsisələrində tərbiyəçilərin işə qəbulu zamanı psixoloji testlərin keçirilməsi vacibdir. 

"Məktəbəqədər təhsil idarələrində  müəllimlərin işə qəbulu üzrə keçirilən müvafiq müsabiqə imtahansız, qeyri-obyektiv, tamamilə formal xarakter daşıyırdı Nəticə etibarilə məktəbəqədər təhsil pilləsi üzrə ali təhsili olmayan şəxslər bağçalarda tədris aparırdı. Bu hallara görə  psixoloji testin salınması doğru qərardı”, - deyə ekspert vurğulayıb.

Suallar  uşaqların yaş  psixologiyası, yaş qruplarna görə tədris proqramının hazrlanması, və s. aid suallar olacaq.

Suallar məktəbəqədər təhsil pilləsinin ali məktəblərində keçirilən tədrisi əhatə edəcək. İbtidai və ümumtəhsil pillələri üçün də bu qərarın tətbiq olunması vacibdir. Hal-hazırda bununa bağlı Elm və Təhsil Nazirliyi müvafiq müzakirələr aparır. 

 

Təhsil eksperti Elşən Qafarovun fikrincə isə, belə testlər  inkişaf edən ölkələrin əksəriyyətində keçirilir. də çoxdan həyata keçirilir və əslində Azərbaycan gecikibdir. 

 

 

2021-ci il dekabrın 20-də Prezident İlham Əliyev dövlət məktəbəqədər təhsil sistemində idarəetmənin təkmilləşdirilməsi haqqında sərəncam imzalayıb.  Dövlət məktəbəqədər təhsil sistemində idarəetmənin təkmilləşdirilməsi, uşaqların məktəbəqədər təhsillə əhatə dairəsinin genişləndirilməsi və məktəbəqədər təhsilin keyfiyyətinin artırılması məqsədilə yerli icra hakimiyyəti orqanlarının (Bakı şəhəri üzrə Bakı Şəhər İcra Hakimiyyətinin, Gəncə şəhəri üzrə Gəncə Şəhər İcra Hakimiyyətinin) tabeliyində olan dövlət məktəbəqədər təhsil müəssisələri (uşaq evləri istisna olmaqla) Azərbaycan Respublikası Təhsil Nazirliyinin tabeliyinə verilib. 
 
2021-ci ilin məlumatına görə, Azərbaycanda 1825 uşaq bağçası var ki, onlardan 1692 dövlətdir. Dövlət bağçalarında 126 mindən çox uşaq tərbiyə alır. Həmçinin, 133 özəl bağça var ki, orada 5124 uşaq var.