Binəli Yıldırımın düşdüyü qəzayla bağlı Bakıya ambulans təyyarə gəlir - Video

Bineli Yıldırımın vəziyyəti sabit olacağı təqdirdə təcili yardım maşını ilə Türkiyəyə qayıdacaq, bunu AKP sözçüsü Ömər Çəlik Zəngilan hava limanı istiqamətində yol qəzasına düşən AKP sədrinin müavini, keçmiş Baş nazir Binəli Yıldırım və millət vəkili Şamil Ayrımın durumu ilə bağlı jurnalistlərə açıqlamasında deyib.

 

 

"Türkiyədən təcili yardım təyyarəsi yola düşüb. Bir neçə saata Bakıda olacaq. Buradakı həkimlərimiz "vəziyyət stabildir, gedə bilərsiniz” desələr, təcili yardım təyyarəsi ilə Türkiyəyə gedəcəyik. Hal-hazırda vəziyyətləri yaxşıdır. Allaha şükür, ciddi problem yoxdur. Səhər yenidən baxılacaq. Narahat olacaq durum yoxdur. Həkimlərin tövsiyəsinə uyğun addım atacağıq. Binəli bəy və Şamil bəyin sağalacaqları günə qədər Bakıda qalacağıq. Mühafizəçi Oğuzxanı da gördük, onun da durumu yaxşdır. Azərbaycanlı sürücü qardaşımızın da durumunun yaxşı olduğunu bildirdilər. Azərbaycan Prezidenti cənab İlham Əliyevlə təyyarədə birgə gəldik. Çox sağ olsun, şəxsən çox yaxından maraqlandı. Səhiyyə naziri Teymur bəy də buradadır. Maraqlanan hər kəsə təşəkkür edirik” - AKP sözçüsü qeyd edib.

 

Türkiyə Prezidenti Rəcəb Tayyib Ərdoğanın Azərbaycana səfər proqramı çərçivəsində Qarabağda olan AKP sədrinin müavini Binəli Yıldırım yol qəzasına düşüb.