Allergiya tamamilə müalicə olunmur

"Allergiyanı tamamilə müalicə etmək demək olar ki, mümkün deyil. Lakin səbəbini bildikdə xəstəliyi müalicə etmək daha asandır”.
 
Bu barədə Səhiyyə Nazirliyinin mütəxəssis-eksperti Tahirə Pənahova məlumat verib.
 
Onun sözlərinə görə, allergiyanın qarşısını almaq üçün allergenin daxil olmasının qarşısını almaq vacibdir.
 
Məsələn, qida allergiyasıdırsa, buna səbəb olan qida rasiondan çıxarıldıqdan sonra şikayətlər də tam aradan qalxır. Dərman allergiyası ciddi xəstəliklər qrupuna aiddir. Əgər dərman allergiyasının səbəbi müəyyən edilməzsə, bu zaman xəstə tərəfindən dərmanın təkrar qəbulu zamanı daha ciddi allergik reaksiya və ya təhlükə anafilaktik şoka səbəb ola bilər.
 
Vaxtında həkim-allerqoloqa müraciət etməklə, xəstəliyin ağır formalarının inkişafının qarşısını almaq mümkündür”, - həkim qeyd edib.

www.anews.az