69.5% insan ölkədə siyasi partiyaların yaranmasına ehtiyac olmadığını bildirir

 

18-25 yaş qrupunda olanların 37%-i yeni partiyaların yaradılmasının tərəfdarıdır.

 

Yaşı 65-dən yuxarı olan arasında bu mövqe cəmi 18%-dir.

Nəticələrə görə 39,7%-i ölkədə özünü görmək istədiyi bir siyasi partiyanın mövcud olduğunu, 54,9%-i mövcud olmadığını ifadə edib, 5,4%-i bu barədə fikir bildirməkdə çətinlik çəkib.

Belə bir partiyanın olduğunu bildirənlərin əsas hissəsi bu istəyini partiya liderinə olan rəğbəti, partiyanın yaxın əhatəsində tanınması və bəyənilməsi, partiyanın ideologiya və proqramının ona yaxın olması ilə əlaqələndirib.

Belə bir partiyanın olmadığını bildirənlərin əsas hissəsi mövqeyini partiyalara olan etimadsızlığı, partiyaların baxışlarını bölüşməməsi və digər səbəblərlə əsaslandırıb.

 

Nəticələrə görə 33,6% seçkilərdə iştirak etməyən partiyaların ləğv olunması mövqeyindədir, 29,8% partiyaların seçkilərdə iştirak etməsini üzvlərinin siyasi iradəsi baxımından vacib hesab edir, 21,7% bu hüququn partiyaların öz sərəncamına buraxılmasını vacib sayır.

İctimai-siyasi məsələlər ilə çox maraqlandığını bildirənlərin 40%-i seçkilərdə iştirak etməyən partiyaların ləğv olunmasını, yaxud fəaliyyətinin dayandırılmasını ifadə edir. Seçkilərdə iştirak hüququnu partiyaların öz sərəncamında hesab edən hər üç nəfərdən biri siyasətlə ümumiyyətlə maraqlanmayanlardır.

Milli Məclis yeni "Siyasi partiyalar haqqında" qanun layihəsinə dəyişiklik edilməsi ilə bağlı hazırda dinləmələr keçirir. 

 

Gülnar Nazimqızı