Şagirdlərə işgəncə verildiyi deyilən məktəbin direktorundan qeyri-etik ifadələr - Video

Abşeron rayonu "Stansiya Sumqayıt” yeni yaşayış massivi ərazisində yerləşən Mirağa Əliyev adına Hal kənd tam orta məktəbinin 3-cü sinif şagirdləri  həmin məktəbin təlim-tərbiyə üzrə müəllimi Zəhra tərəfindən işgəncəyə məruz qaldığı iddia olunub.

APA TV sözügedən şagirdlərin yaşadığı evlərdən reportaj hazırlayıb.

Valideynlər bildiriblər ki, onlar adıçəkilən müəllimdən bu günə qədər razı olublar. Amma onlar məsələnin ciddi araşdırılmasını istəyiblər.

Məktəbin direktoru Sərvər Alırzayev müəllimlərin "WhatsApp” qrupuna ünvanladığı səs yazısında məsələnin yalan olduğunu deyib, hətta qeyri-etik ifadələrdən də istifadə edib.