Polis ov edənləri saxlamaq üçün havaya atəş açdı

Beyləqanda qanunusz ov edənlər saxlanılıb.
 
DİN Mətbuat Xidmətinin Bərdə regional qrupundan verilən xəbərə görə, oktyabrın 29-da gecə saat 4 radələrində Beyləqan Rayon Polis Şöbəsinin əməkdaşları rayonun Örənqala qəsəbəsi ərazisində xidmətdə olarkən "Ağgöl” qoruğu istiqamətindən torpaq yolla "Niva” markalı avtomobilin gəldiyini görüb onu saxladaraq özlərini təqdim ediblər. Avtomobilin içərisində olan iki şəxsin əlində odlu silahın olduğunu görən polis əməkdaşları onlardan avtomobildən enmələrini tələb etdikdə həmin şəxsin tabesizlik göstərib qaçmağa çalışıblar. Bu zaman polis əməkdaşı havaya bir dəfə xəbərdarlıq atəşi açıb. Bundan sonra həmin şəxslər saxlanılıb. Onlardan 2 ədəd odlu silah və qanunsuz ovladıqları 1 ədəd qaban götürülüb.

Həmin şəxslərin Ağcabədi rayon sakinləri Arzuman Mamedov, Anar Quliyev və Aqil Yusifov olmaları müəyyən olunub.

Hazırda Beyləqan Rayon Polis Şöbəsinin Təhqiqat bölməsində araşdırma aparılır.

www.anews.az