İşsizlikdən Sığorta Fondunun büdcəsi 17 % artırılır

Gələn il Əmək və Əhalinin Sosial Müdafiəsi Nazirliyi yanında İşsizlikdən Sığorta Fondunun (İSF) gəlirlərinin 212,6 milyon manat olacağı gözlənilir.


"Report” xəbər verir ki, bu barədə Hesablama Palatasının Fondun 2023-cü il büdcəsinə verdiyi rəydə bildirilir.


Sənədə əsasən, bu, 2021-ci ilin icra göstəricisi ilə müqayisədə 8 %, 2022-ci ilin təsdiq edilmiş proqnozu ilə müqayisədə isə 17,3 % çoxdur.


2023-cü ildə İSF-nin gəlirlərinin 159,5 milyon manatı işsizlikdən sığorta haqları hesabına formalaşacaq. Bunun isə 22,4 milyon manatı büdcədən maliyyələşən təşkilatlardan, yenə də 22,4 milyon manatı bu təşkilatlarda işləyənlərdən, 114,7 milyon manatı qeyri-büdcə sektorundan daxil olacaq. Bundan başqa, Fond sair daxilolmalar üzrə 0,1 milyon manat gəlir əldə edəcək, əvvəlki ilin sonuna istifadə olunmamış 53 milyon manat vəsaitə malik olacaq.

www.anews.az