Hərbi Dəniz Qüvvələrinin bir neçə gəmisi utilizasiya olunacaq

Azərbaycan Hərbi Dəniz Qüvvələrinin (HDQ) inventarındakı bir neçə gəminin utilizasiyası həyata keçiriləcək. Bu barədə APA-ya hərbi mənbələrdən məlumat verilib. Utilizasiya olunacaq gəmilər artıq istismara yaramır. Onların arasında HDQ-nin D-434 bort nömrəli desant gəmisi də yer alır. Artıq həmin gəmilərin üzərindəki silah sistemləri və naviqasiya cihazları sökülüb. Müdafiə Nazirliyinin mətbuat xidmətindən APA-ya məlumatı təsdiqləyiblər. Qeyd edək ki, 1992-ci ildən Azərbaycan HDQ-nin inventarında yer alan 770T layihəli D-434 bort nömrəli desant gəmisi 1965-ci ildə Polşanın Qdansk şəhərindəki tərsanədə inşa edilib.ANN.Az