Bəzi şəhid ailələrinin valideynləri acınacaqlı vəziyyətdə yaşayır - DEPUTAT

Bir qism şəhid ailələrinin valideynlərin ev məsələsi hansısa bir qaydada həll etmək məqsədəuyğun olar, Bunu Milli Məclisin Əmək və sosial siyasət və İqtisadi siyasət, sənaye və sahibkarlıq komitələrinin birgə iclasında deputt Elnur Alahverdiyev deyib.

 

"Əmək və Əhalinin Sosial Müdafiə Nazirliyi bu istiqamətdə lazım olan tədbirləri görürür. Amma bəzi məqamlar var ki, bunu bildirmək istəyirəm. Deputat olduğum ərazidə şəhidin anası 12 kv-lıq evdə acınacaqlı vəziyyətdə yaşayır. 3000 min şəhidin üzərindən bu problemə baxsaq 3-5 faiz belə ailələr olar. Təklif edirəm bu cür acınacaqlı vəziyyətdə yaşayan şəhid valideynlərinə diqqət ayrılsın", - deputat bildirib.

 

Deputat bununla bağlı təklif də irəli sürüb.

 

"Əmək və Əhalinin Sosial Müdafiəsi Nazirliyini başçılığı ilə müvafiq icra strukturları, eləcə də qanunverici orqanın da iştirakı ilə xüsusi komissiya yaradıla bilər. Mən şəxsən bu komissiyanın işində iştirak etməyə hazıram. Bu qurum həmin ailələrin, daha doğrusu, valideyinlərin mənzil şəraiti ilə yaxından tanış olub, gerçək vəziyyətin analizini həyata keçirə bilər. Belə valideyinlərə mənzillərin əldə olunmasında dövlətlə yanaşı, sosial tərəfdaşlar, özəl sektor yaxından iştirak edə bilər. Bizim belə uğurlu çözüm modellərimiz çoxdur. Məsələn, YAŞAT fondu. 10 milyonuq. Hər ailə belə bir fonda 2-3, yaxud 5 manat könüllü şəkildə ianə etsə, ehtiyacı olan şəhid valideyinlərinə mənzil probleminin çözümünə yardım etmiş olar" - Allahverdiyev söyləyib.

 

Şəhid ailəsi üçün Azərbaycan Respublikası Prezidentinin təqaüdü şəhidin ailə üzvlərinin sayına bərabər bölünməklə ödənilir.

 

Yəni, bu təqaüd şəhidin qanunla müəyyən edilmiş ailə üzvləri arasında bölünməklə verilir. Şəhidin ailə üzvləri isə qanunla aşağıdakılar müəyyən edilmişdir: Şəhidin arvadı (rəsmi nikahı olan), valideynləri,18 yaşına çatmamış və ya 18 yaşına çatanadək əlilliyi müəyyən olunmuş 18 yaşından yuxarı əlilliyi olan uşaqları və uşaq evlərində tərbiyə olunan qardaş və bacılarıdır.

 

Gülnar Nazimqızı