D18 hərəkatının 3 üzvü həbs edilib

 

"10 noyabr axşam saatlarında İşçi Masası Kuryerlər Birliyinin üzvü Orxan Zeynallı evindən oğurlanır və 30 sutka həbs cəzası verilir. 11 noyabr səhər saatlarından İşçi Masasının Kuryerlər Birliyinin aktiv üzvlərinə "Wolt” şirkəti təzyiq edir və işdən uzaqlaşdırır, 11 noyabr axşam saatlarında Hərəkatımızın İdarə Heyətinin üzvü Afiəddin Məmmədov və Kuryerlər Birliyinin rəhbəri Elvin Feyruzzadə də eyni qaydada mülki geyimli polis əməkdaşları tərəfindən oğurlanır və Afiəddin Məmmədova 30 sutka həbs cəzası verilir",  -  Əhməd Məmmədli yazıb.

"Türkiyədə təhsilimlə bağlı hələ iyunda Səfərbərlik və Hərbi Xidmətə Çağırış üzrə Dövlət Xidmətinə təqdim etdiyim və iyulda magistratura pilləsinə qəbulla bağlı möhlət hüququ əldə etdiyim sənədlərin  əsassız olduğu  və növbəti həftə prokurorluğa çağırıldığım bildirilib”, - Məmmədli qeyd edib.

Məsələ ilə bağlı  Daxili İşlər Nazirliyinin Mətbuat xidmətinə sorğu ünvanlanıb. Lakin hələlik cavab verilməyib. 

 

İnzibati Xətalar Məcəlləsinin 535.1-ci maddəsində görə, polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə ,fiziki şəxslər yüz manat məbləğində cərimə edilir və ya işin halları, pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur.

 

D18 ( Demokratiya 1918) Hərəkatı 2013-cü il martın 18-də  yaradılıb. Hərəkatın məqsədi fərqli baxışlarla birlik gətirən demokratik toplumcu bir təşkilat yaratmaq olub. Hərəkatın 150-dən çox üzvünün olduğu bildirilir.