“Microsoft Azerbaijan” bağlanır

"Microsoft Azerbaijan” şirkəti ölkədəki nümayəndəliyi bağlanmaq üzrədir. Bu barədə Azərbaycan İnternet Forumunun prezidenti Osman Gündüz bildirib.

O bildirib ki, artıq ofisin rəhbəri, əksər işçiləri işdən azad olunublar.

"Bizim uzun illər bu sektorda tanıdığımız dostlarımız artıq "Microsoft Azerbaijan”da çalışmırlar. Görünür , "Microsoft” bu əməkdaşlara digər ölkələrdəki ofislərdə iş də təklif etməyib. Bir neçə il öncə HP-nin ölkəmizdəki nümayəndəliyi bağlansa da, "Microsoft”ın Azərbaycandan gedişini mən təsəvvür belə etməzdim. Onun Azərbaycandan çəkilməsi sadəcə ağlasığmazdır. Azərbaycan nümayəndəliyinin fəaliyyətinin dayandırılması yalnız "Microsoft”ın qlobal siyasəti ilə bağlıdır. Bu, belə deyil. Fikrimcə, bu səviyyəyə gəlib çıxmasına yol verməmək olardı. Zamanında gərəkən addımlar atılmalıydı. Baş verənlər ölkənin innovasiya mühiti, İT biznesi və bütövlükdə, İKT mühiti üçün düşündürücü olmalıdır. "Microsoft”un Azərbaycan ofisinin fəaliyyətini dayandırması bizim üçün utancdır”-, Osman Gündüz bildirib.

 

Aytac