Fransa düşmən dövlət elan edilsin - Tahir Kərimli- VİDEO

Fransa düşmən dövlət elan edilsin. Bunu Milli Məclisin deputatı Tahir Kərimli Fransa senatının qəbul etdiyi qətnamənin müzakirəsi zamanı deyib. 


 "Onlar Səlib yürüşü zamanı bugünkü Hələb şəhəri ərazisində yerləşən minlərlə türkü qılıncdan keçirib ətlərini yeyirdilər. Çünki ət çatışmazlığı var idi. İnsan ətllərini yeyirdilər. Natəmiz, əxlaqsız millətin başçısı da belə olar”-deputat çıxışında bildirib. 


"Hesab edirəm ki, Fransa əsl düşməndir. Ona görə də, təklifim bundan ibarətdir ki, Fransa düşmən dövlət elan edilsin. Düşmənçiliyin bundan artıq səviyyəsi olmaz. Fransada hökumət yaxşı bilmirmi ki, Arxstak olanda ermənilər həmin torpaqda yaşamayıblar? Orda albanlar yaşayıblar”,-deputat bildirib. 


"İkinci təklifim ondan ibarətdir ki, Fransadakı məsləhətləşmələrlə bağlı olaraq səfirimiz təcili geri çəkilsin. Ümumiyyətlə, Azərbaycandakı Fransa Səfirliyi, bütün diplomatik korpus persona non-grata (arzuolunmaz şəxs, şəxslər)  hesab olunsun. Onlar bizə lazım deyil”,-o deyib. 


Tahir Kərimli çıxışında Fransanın Əlcəzairədə soyqırım törətdiyinə dair qətnamə qəbul edilməsi təklifini də irəli sürüb. 
"Fransanın məkrli planlarına qarşı çıxan bütün dövlət və təşkilatlarla diplomatik və digər əlaqələri gücləndirməliyik”,-deputat bildirib. 



www.anews.az