Şagird davranış qaydaları tədris ilinin ikinci yarısından tətbiq ediləcək- NAZİR

"Ümumi təhsil müəssisələrində şagird davranış qaydaları”  tədris ilinin ikinci yarısından tətbiq ediləcək. Bunu Emin Əmrullayev bu gün keçirilən brifinqdə deyib.

"Artıq şagird davranışları qaydaları ilə bağlı 100-dən çox rəy qəbul olunub. Tədris ilin ikinci yarısından bu qaydaları 300 məktəbdə pilot layihə kimi tətbiq edəcəyik.Dəyişiklərə ehtiyac yaranarsa yayda qaydalara korreksiya edib yenidən yayımlayacayıq. Hazırda qaydalar müzakirə mərhələsindədir" - nazir bildirib.

Oktyabrın 20-də nazirlik "Ümumi təhsil müəssisələrində şagird davranış qaydaları” və "Valideyn-məktəb münasibətlərinin tənzimlənməsi üzrə təlimat” layihələri hazırlanıb. Hər iki sənəd hazırlanarkən şagirdlər, müəllimlər, o cümlədən valideynlər arasında keçirilən sorğuların nəticələri nəzərə alınıb, beynəlxalq və özəl təhsil müəssisələrinin təcrübələri araşdırılıb. Sənədlərin hazırlanması prosesinə təcrübəli məktəb direktorları və müəllimlər, özəl təhsil müəssisələrinin nümayəndələri, yerli və beynəlxalq mütəxəssislər cəlb olunublar.


www.anews.az