“Siyasi partiyalar haqqında” qanun təsdiqləndi - Deputatlar nə düşünür?...

"Siyasi partiyalar haqqında” qanun layihəsi I oxunuşda qəbul olunub. Bu Milli Məclisin bu gün keçirilən plenar iclasında "Siyasi partiyalar haqqında" yeni qanun layihəsində qəbul edilib.

Qanun layihəsi 95 səslə təsdiqlənib. Bir nəfər isə əlehinə səs verib.

Layihə 60 fəsil,30 maddədən ibarətdir. 

"Tərəddüd etmədən səs verəcəm. 3-5-10 nəfərlə partiya olmaz. Təklif edilən üzv sayı tam haqlı olaraq əlavə olunub. Partiya sədri tanıyıram ki, həyat yoldaşı həmin partiyaya üzv olmur. Hətta möhürün yerini bilməyən partiyalar tanıyıram. Siyasi partiyalar hörmət olmalıdır”, deputat deyib.

Deputat Tahir Rzayev qanunun siyasi sistemin formalaşmaşında vacib addım olacağaını açıqlayıb və bildirib ki, buna ciddi ehtiyac var idi.

Ana Vətən partiyasının sədri deputat Fəzail Ağamalı layihənin təkliflər əsasında dəyişdirilməsini müsbət qiymətləndirib və birinci oxunuşun tələblərinə uyğun olduğunu vurğulayıb. 

Deputat Fazil Mustafa qanunun yaxşı işləməsi üçün pratiktiki sistemin qurulmasını vacib hesab edib.

Deputat Azay Quliyev layihəyə bəzi təkliflər verib. O bildirib ki, partiya haqqında qanunda qadınların siyasi fəaliyyətə cəlb olunmsı nəzərə alınmalıdır. Ən azı partiya üzvləri və təsisçilərinin 30 faizi qadın olmalıdır. 

Deputat onu da təklif olaraq bildirib ki, qanunda yardım anlayışı çıxarsın əvəzinə subsiyada sözü əlavə olunsun. Azay Quliyev qanunda iaənlərin məbləğinin göstərilməsini və hüquqi şəxslərə də aid edilməsini təklif edib.

Deputat Azər Badamov 47 partiyadan 250 təklif almasını müsbət dəyərləndirib və dəstəklədiyini açıqlayıb. 

Deputat Razi Nurullayev bildirib ki, təkliflərin nəzərə alınmasını yüksək qiymətləndirib.

Siyavuş Novruzov çıxışında bildirib ki, bu ən vacib qanun layihəsidir. Deputat vurğulayıb ki, əlavə çıxışlara ehtiyac olmadan layihəni təsdiq etmək doğru qərar olacaq.

Tahir Kərimli bəzi maddələrdə bəzi sözlərə dəyişiklik edilməsini təklif edib.


www.anews.az