"Enerjini paylaş-telefonunu xilas et, qanını paylaş-insan yaşat" - FOTOLAR

Aprelin 8-də "Nar Mobile" ticarət markası "Nar Donor" adlı sosial layihəsinə start verib. Azerfon şirkətinin baş icraçı direktoru Kent Maknili layihənin sosial bir layihə olduğunu və əsas məqsədin ölkəmizdə qan donorluğuna ehtiyac duyan yüzlərlə insanın həyatını xilas etmək üçün ictimai diqqəti bu məsələyə yönəltmək olduğunu bildirib. Cənab Maknili layihənin uğurlu olacağına və insanların qan donorluğuna marağının artacağına inandığını bildirib. Layihənin simvolu olaraq "Android" telefonlarına bir-birindən enerji ötürən xüsusi kabellər istehsal olunub. Bu kabellər istifadəçilərə pulsuz paylanılacaq. Layihənin əsas məqsədi qan donorluğuna çağırış olduğu üçün sözügedən kabellər insanlara qan donorluğunun bir gün deyil, həmişə vacib məsələ olduğunu daima xatırlatmaq məqsədi daşıyır. Təqdimat mərasimində çıxış edən Mərkəzi Qan Bankının direktoru Pərvanə Hacıyeva, Beynəlxalq Talassemiya Federasiyasının idarə heyətinin üzvü Nailə Quliyeva da insanları qan donorluğu mövzusunda aktiv olmağa çağırıb. Layihə çərçivəsində 8-15 aprel tarixlərində qanköçürmə məntəqələri yaradılacaq və insanlara bu barədə məlumat veriləcək. Qeyd edək ki, qan donoru olmaq istəyənlər 9-11 aprel tarixlərində Nəsimi rayonu, M.Cəfərov küç.3005 ünvanında yerləşən "Nar Mobile" mağazası (14:00-18:00), 9-15 aprel tarixlərində isə Nəsimi rayonu, Akademik Mirəli Qaşqay küç.87 ünvanında yerləşən Mərkəzi Qan Bankına (9:00-18:00) müraciət edə bilərlər. Cəmilə İbrahimovaFoto: Orxan ƏzimANN.Az