Azərbaycanda bu il 71 qadın qətlə yetirilib

Human Rights Watch təşkilatının 2022-ci ilin birinci yarısı üçün hazırladığı hesabatda qeyd olunur ki, Covid-19 ilə bağlı məhdudiyyətlər əlavə olaraq məişət zorakılığının artmasına səbəb olub və qadın sığınacaqlarının rəhbərləri sığınacaq axtaran qadınların sayında artım gördüklərini söyləyiblər. Qadın hüquqları müdafiəçiləri polisin məişət zorakılığı ilə bağlı xəbərləri qeydə almadığını və ya cavab vermədiyini,  bir neçə mövcud sığınacaqlara girişdə əhəmiyyətli maneələrin olduğunu biliblər.
 
"Qadınların partnyorları və ya qohumları tərəfindən qətlə yetirilməsi ilə bağlı artan böhran kimi görünən bir vəziyyətdə, qurbanlar sığınacaq yerinin olmaması və polisin qeyri-adekvat reaksiyası səbəbindən tez-tez sui-istifadədən xilas ola bilmir. Təkcə iyul ayında jurnalistlər beş qadının partnyorları tərəfindən qətlə yetirildiyini bildiriblər”, - hesabatda deyilir.
 
Human Rights Watch təşkilatının 2021- ci il  hesabatına görə, Azəbaycanda öncəki iki il ərzində qadınlara qarşı 14 975 cinayət faktı qeydə alınıb.  (2019-cu ildə 5706, üstəgəl 2020-ci ildə 5176 və 2021-ci ilin yanvar-sentyabr aylarında 4093).
O cümlədən, Qadınlara qarşı zorakılıqla bağlı 6091 iş (2019-cu ildə 2269, üstəgəl 2020-ci ildə 2067 və 1755-i Yanvar-sentyabr 2021). 6 834 cinayətkar  mühakimə olunub (2019-cu ildə 2 480, üstəgəl 2020-ci ildə 2414, 2021-ci ilin yanvar-sentyabr aylarında 1940). Ümumilikdə, ölkədə qısqanclıq, ailə münaqişəsi və digər məişət problemləri səbəbilə  bu müddətdə 2955 cinayət törədilib (2019-cu ildə 1026, üstəgəl 2020-ci ildə 973 və2021-ci ilin yanvar-sentyabr aylarında 956).
 

www.anews.az