Qaraçuxurda nələr baş verir?

ARDNŞ Qaraçuxurda qaz paylayıcı şəbəkədə xəttlərin yoxlanılması zamanı yaranan problemlə bağlı məsələyə münasibət bildirib. ARDNŞ-nin mətbuat xidmətindən ANS PRESS-ə verilən məlumata görə, Qaraçuxurda təşviş üçün heç bir əsas olmayıb. Qurumdan bildirilib ki, ARDNŞ-nin “Qaz İxrac” İdarəsinin Abşeron Magistral Qaz Kəmərləri Sahəsinin Qaraçuxur qəsəbəsində yerləşən qazpaylayıcı stansiyasında rekonstruksiya və torpağın rekultivasiyası işləri aparılıb, ərazi SSRİ vaxtından yerin altında qalmış boru hissələri və dəmir qırıntılarından təmizlənib:"Bu zaman yerin altında çoxdan qalmış köhnə odarant qabı üzə çıxmış və onun içində olan odarant qalıqlarının iyi ətrafa yayılıb. Bu, əhali arasında qısamüddətli təşviş yaratsa da, görülmüş operativ tədbirlər nəticəsində insident aradan qaldırılıb".Xatırladaq ki, dünən Qaraçuxurun Şərq yaşayış massivində qaz paylayıcı şəbəkədə xəttlərin yoxlanılması zamanı nəzərdə tutulan odarant adlanan maddə çəninin ərtaf əraziyə atılması vətəndaşlar arasında təşfişə səbəb olub. ANS-in əməkdaşları məsələni araşdırmaq üçün əraziyə baş çəkib, sakinlərdən məsələ ilə bağlı münasibətlərini öyrənib.ANN.Az